Şəhid İbrahimli Məhəmmədəlinin xatirəsinə həsr olunan tədbir keçirilib
Məktəbin akt zalında ingilis dili müəllimi Zülfiyyə Hacıyevanın başçılığı ilə fəal şagirdlərin iştirakı ilə torpaqlarımızın ərazi bütövlüyü uğrunda gedən döyüşlərdə şəhidlik zirvəsinə yüksələn qəhrəman Vətən övladı Şəhid İbrahimli Məhəmmədəlinin xatirəsinə həsr olunan "Qələbə sadəcə inamdır" adlı tədbir keçirilib. Tədbirdə Şəhid Məhəmmədəli İbrahimlinin anası İlhamə xanım, qardaşı, ailə üzvləri, Şəhid Rövşən İsmayılovun anası Təranə xanım, Şəhid Xudiyev Samirin anası Xanım ana, Şəhid Qasımov Orxanın anası Gülsarə xanım, Şəhid Quliyev İlkinin anası Reyhanə xanım, Şəhid Əliyev Salehin anası Solmaz xanım ,Şədimizin təhsil aldığı 215 nömrəli məktəbin müəllimləri, 90 nömrəli tam orta məktəb rəhbərliyi ,kollektivi ,şagirdlər iştirak edib.
Əvvəlcə xalqımızın Ümummilli Lideri Heydər Əliyevin, Azərbaycanın suverenliyi, müstəqilliyi və ərazi bütövlüyü uğrunda şəhid olanların xatirəsi bir dəqiqəlik sükutla yad edilib. Azərbaycan Respublikasının Dövlət Himni səsləndirilib. Şəhidlərimizin ruhlarına dualar oxunub, ehsan süfrəsi açılıb.
Anım mərasimində çıxış edənlər torpaqlarımızın ərazi bütövlüyü uğrunda gedən döyüşlərdə şəhidlik zirvəsinə yüksələn qəhrəman oğullarımızın göstərdiyi şücaət nümunələrindən danışıblar. Qeyd olunub ki, Müzəffər Ali Baş Komandan İlham Əliyevin rəhbərliyi ilə rəşadətli Azərbaycan Ordusu tarixi Qələbə qazanaraq şəhidlərimizin qisasını düşməndən layiqincə alıb.
Mərasimdə şəhidlərimizə həsr olunan şeirlər səsləndirilib, şagirdlər tərəfindən vətənpərvərliyi və qəhrəmanlığı tərənnüm edən musiqi nömrələri ,səhnəciklər təqdim olunub.
Sonda şəhid ailələri ilə birgə xatirə şəkilləri çəkilib.
