Ümummilli Lider Heydər Əliyevin anım günü ilə bağlı Fəxri Xiyaban ziyarət edilib
90 nömrəli tam orta məktəbin tərbiyə işləri üzrə direktor müavini Aygün Sadıqova , təlim-tərbiyə işləri üzrə direktor müavini Sevinc Zaxarova ,tarix müəllimi Maqsud Mirzəyev və 9e sinif şagirdləri Ümummilli Lider Heydər Əliyevin anım günü ilə bağlı Fəxri Xiyabanı ziyarət ediblər. Dahi şəxsiyyətin əziz xatirəsinə dərin ehtiramlarını bildirərək məzarı önünə gül dəstələri qoyublar.
Ümummilli lider Heydər Əliyevin əziz xatirəsi bir dəqiqəlik sükutla yad olunub. Müstəqilliyə gedən yolumuzu işıqlandıran, müasir Azərbaycan dövlətinin memarı və qurucusu Heydər Əliyevin Azərbaycan tarixində və beynəlxalq aləmdəki rolu və demokratik, hüquqi dövlət quruculuğu istiqamətində həyata keçirdiyi uğurlu siyasəti barədə ətraflı məlumat verilib. Dahi liderin diqqət və qayğısı sayəsində digər sahələr kimi, elm və təhsil sahəsində də böyük nailiyyətlərin əldə olunduğu vurğulanıb.
