IX siniflərdə monitorinq keçirilib
Məktəbin fəaliyyət planına əsasən 6 dekabr 2024-cü il tarixində IX siniflərdə məktəb rəhbərliyi tərəfindən monitorinq keçirildi. Monitorinqin keçirilməsinə məktəb direktoru Vələddin Nurəddinov ,təlim-tərbiyə işləri üzrə direktor müavini Alvina Cavadova , rəhbərlik tərəfindən müəyyən olunmuş nəzarətçi müəllimlər ciddi nəzarət edib.
Monitorinq ana dili, riyaziyyat və xarici dil fənləri üzrə şagirdlərin bilik səviyyələrini ölçmək məqsədi ilə keçirilib. Monitorinq sualları şagirdlərə Azərbaycan və rus bölmələri üzrə təqdim edilib , 150 dəqiqə müddətində davam edib.
Aparılan monitorinqin məqsədi IX sinif şagirdlərinin buraxılış fənlər üzrə mövcud çatışmazlıqlarını aşkarlamaq və bu istiqamətdə onlara lazımi köməklik göstərilməsinə nail olmaqdır. Nəticələr təhlil edildikdən sonra xüsusilə zəif mənimsənilən mövzular üzərində işləmək nəzərdə tutulur.
