8 Noyabr - Zəfər Günü ilə bağlı sinif təşkilat saatı keçirilib
Məktəbin 0f və 4f sinfində ibtidai sinif müəllimi Lalə Hacıyevanın başçılığı ilə 8 Noyabr - Zəfər Günü ilə bağlı sinif təşkilat saatı təşkil olunub.Tədbirdə canlarını ölkəmizin ərazi bütövlüyü və suverenliyi uğrunda qurban vermiş şəhidlərimizin xatirəsi bir dəqiqəlik sükutla yad edilib.
Müəllim Azərbaycanın tarixinə qızıl hərflərlə yazılmış Zəfər Günü barədə şagirdlərə ətraflı məlumat verib. Qeyd edib ki, 2020-ci il sentyabrın 27-dən başlayan, işğal altındakı ərazilərimizin azad edilməsi ilə nəticələnən Vətən müharibəsi tariximizin ən parlaq səhifəsinə çevrilmişdir. Daha sonra şagirdlərin hazırladıqları şeir və mahnı kompozisiyaları tədbir iştirakçılarına nümayiş edilib.
