ŞƏHİDLƏR XİYABANI ZİYARƏT EDİLİB
Məktəbin 3f sinif şagirdləri ibtidai sinif müəllimi Südabə Şükürovanın rəhbərliyi ilə 8 Noyabr-Zəfər Günü münasibəti ilə Şəhidlər Xiyabanını ziyarət ediblər. Azərbaycan Milli Qəhrəmanı Mübariz İbrahimovun və vətən yolunda canından keçmiş digər şəhidlərimizin əziz ruhu yad edilib.
Sinfin şagirdi Cəfərli Məhəmmədhəsənin yaxın qohumu Kobra ləqəbli Azərbaycan Silahlı Qüvvələrinin polkovnik-leytenantı, 4-cü Ordu Korpusunun Artileriya rəisi, Birinci Qarabağ müharibəsinin veteranı və qazisi, İkinci Qarabağ müharibəsi şəhidi Xeyrulla İbrahimovun məzarı ziyarət edilib, onun həyat yolu və döyüş yolu haqqında məlumatlar verilib.
Qəhrəman şəhidlərin məzarları başında dualar oxunub , bir dəqiqəlik sükutla ruhları yad edilib və məzarları üzərində gül dəstələri düzülüb.
