Şəhid məzunumuz Osman Manafovun şəhadətə ucaldığı gün məzarı ziyarət olunub
27 oktyabr 2024-cü il tarixində Vətən uğrunda canından keçən qəhrəmanımız Şəhid məzunumuz Manafov Osmanın şəhidlik zirvəsinə ucaldığı gündən 4 il ötür.
Bu məqsədlə 90 nömrəli tam orta məktəbin direktoru Vələddin Nurəddinov ,məktəb kollektivi , sinif rəhbəri Maqsud Mirzəyev və 9e sinif şagirdləri şəhidin məzarını ziyarət ediblər. Şəhid məzunumuz Osmanın döyüş və həyat yolu haqqında ətraflı söhbət aparmış, şəhidimizin nur üzlü Anasına başsağlığı vermiş, qəhrəman şəhidimizin ruhuna dualar oxumuş, məzarı üzərinə tər qərənfillər düzmüşlər.
Həm Aprel döyüşlərində, həm də 44 günlük Vətən müharibəsində iştirak edən Osman Manafov Xocavənd-Füzuli istiqamətində gedən döyüşlərdə şəhidlik zirvəsinə ucalıb. Ölümündən sonra “Vətən uğrunda”, “Füzulinin azad olunmasına görə” medalları ilə təltif olunub.
