Bu gün Şəhid məzunumuz Əli Seyidovun şəhadətə ucaldığı gündür
10 oktyabr 2024-cü il tarixində məktəb rəhbəri Vələddin Nurəddinov, direktor müavini Aygün Sadiqova , Tarix müəllimi Maqsud Mirzəyev , Həmkarlar sədri Rafiq Bayramov , Sosial pedaqoq Rəsmiyyə Quliyeva və 8e sinif şagirdləri şəhid Əli Seyidovun məzarını ziyarət edib ,şəhid anası Lalə xanımla görüşüblər. Ziyarət zamanı bildirilib ki, qəhrəman ananın körpəlikdən vətənpərvər ruhda böyütdüyü Əli Vətən, xalq yolunda etdiyi xidmətlərlə qürur duyuruq.
Daha sonra şagirdlərin ifasında səslənən vətənpərvərlik mövzusunda kompozisiya maraqla dinlənib.
Qeyd olunub ki,doğma torpaqlarımızın mənfur erməni işğalçılarından azad olunmasında canıyla, qanıyla iştirak edən, şəhidlik zirvəsinə ucalan məktəbimizin məzunu Seyidov Əlinin ruhu qarşısında baş əyirik.
Seyidov Əli 11.07.1999-cu ildə Bakı şəhərində anadan olub.2006-cı ildə Sabunçu rayonu Rixard Zorge adına 90 saylı tam orta məktəbin 1-ci sinfinə qəbul olub. Vətənpərvərliyi ilə,cəsarəti ilə seçilən şagirdlərdən biri olmuşdur. 2017-ci ildə məktəbi bitirmişdir. 2020-ci il oktyabr ayının 4-də Qarabağ döyüşlərində Suqovuşanın azad olunması uğrunda qəhrəmanlıqla şəhidlik zirvəsinə ucalmışdır. Ruhu şad olsun!
