“Zərərli vərdişlərə Yox deyək”
Ailə, Qadın və Uşaq Problemləri üzrə Dövlət Komitəsinin təşkilatçılığı ilə 17 aprel 2024-cü il tarixində 90 nömrəli tam orta məktəbin akt zalında “Zərərli vərdişlərə Yox deyək” adlı maarifləndirici tədbir keçirildi.
Komitənin əməkdaşları məktəblilərə mövzu haqqında danışaraq, zərərli vərdişlərin insanın fiziki sağlamlığına və psixologiyasına vurduğu zərərlər, ailədaxili münasibətlərdə yaratdığı problemlər barədə məlumat vermiş, onları yaxşı vərdişlər qazanmağa və öz sağlamlıqlarının qeydinə qalmağa səsləmişlər.
Tədbirdə mövzu ilə bağlı müzakirələr təşkil olunmuş, iştirakçılara maarifləndirici bukletlər paylanılmışdır.
