QANLI YANVARA HƏSR OLUNMUŞ XÜSUSİ DƏRS
Məktəbin 11"d" sinif şagirdlərinin iştirakı ilə tarix müəllimi Maqsud Mirzəyevin başçılığı ilə 20 Yanvara həsr olunmuş xüsusi dərs təşkil olunub. Şagirdlər bu tarixi dərin hüznlə anıb. Xüsusi dərsdə müəllim tariximizin şərəf və qəhrəmanlıq səhifəsi- Qanlı Yanvar haqqında geniş məlumatlarlar ,faktlar səsləndirib.
Müstəqilliyə gedən yolda böyük bir çıraq olan Yanvar şəhidlərini dərin ehtiramla yad edən şagirdlər qanlı gecənin hüznünü ifadə edən , vətənimizin faciəli tarixinin əks olunduğu şeirlər səsləndirdilər. Məktəb rəhbərliyinin də iştirak etdiyi tədbirdə Azərbaycan xalqının tarixinə qanlı hərflərlə yazılmış bu tarixin acı həqiqətlərindən bəhs edən videoçarxlar nümayiş olunub.
