Fövqəladə hallar zamanı şagirdlərin təhlükəsizliyi təmin edilib
7 dekabr 2023 tarixində Azərbaycanda baş vermiş zəlzələ zamanı 90 nömrəli tam orta məktəbdə fövqəladə hallarda davranış qaydalarına uyğun olaraq, təkan hiss olunan zaman
müəllim və şagird kollektivinin uyğun vaxt ərzində həyətdə öncədən müəyyən edilmiş, binadan aralı Toplanış məntəqələrində toplanması təmin olunub.
Məktəb rəhbərliyi tərəfindən şagird və valideynlərə həyəcanlanmamaq və əlavə narahatlığa yol verməmək tövsiyə olunub. Valideynlərdən bəzisi şəxsi narahatlıqları səbəbindən könüllü olaraq övladını götürüblər. Hal-hazırda tədris prosesi davam edir.
Qeyd edək ki, məktəbdə "Fövqəladə hallar zamanı davranış qaydaları" mövzusunda mütamadi olaraq maarifləndirmə tədbiri keçirilir.
