"Ana dili - milli sərvətimizdir"
21 fevral Beynəlxalq Ana dili günü ilə əlaqədar 21.02.2018-ci il tarixdə məktəbdə “Ana dili – milli sərvətimizdir” adlı inşa yazı müsabiqəsi keçirildi. Müsabiqə şagirdlərdə doğma dilimizə sevgi və hörmət hissini daha da artırmaq, öz doğma dilinin varlığını hiss etmək, onunla qürur duymaq, onu qorumaq və inkişaf etdirmək məqsədi daşıyır.
Məktəbin V-X sinif şagirdləri bu müsabiqədə iştirak edərək öz xalqının təzahürü və onun milli sərvəti olan dil haqqında düşüncələrini ağ kağıza köçürüblər. Məktəblilər yazı prosesində xüsusi fəallıq, bilik və ifadə bacarığı nümayiş etdiriblər.
