“İşıqfor bizim dostumuzdur”
Məktəbin illik fəaliyyət planının 1.3.6- cı bəndinə əsasən 05.12.2017-ci il tarixdə məktəbəqədər və məktəb yaşı həddində olan uşaqların yol hərəkəti təhlükəsizliyinə həsr edilmiş “İşıqfor bizim dostumuzdur” adlı maraqlı tədbir keçirildi. Tədbir məktəbəqədər yaşlı uşaqların yaşına və düşüncəsinə uyğun tərzdə interaktiv oyun və maraqlı söhbət şəkilində qurulmuşdu. İbtidai sinif müəllimi Zülfiyyə Ağayeva yolda nə baş verir və yol hərəkəti iştirakçıları kimlərdir, onların düzgün və ya qeyri-düzgün hərəkətləri nəticəsində hansı hadisələrin baş verə biləcəyi barədə şagirdlərə praktik olaraq geniş məlumat verdi. Mövzuya uyğun hazırlanmış slaydların təqdimatı uşaqlar tərəfindən böyük maraqla qarşılandı.
