“Doğma dilimizi qoruyaq” mövzusunda təqdimat keçirildi
Məktəbin illik fəaliyyət planınına uyğun olaraq sinifdənxaric və məktəbdənkənar tərbiyə işlər üzrə təşkilatçı Yeganə Məlikova, Uşaq Birliyi rəhbəri Şəbnəm Sadıqlı, kitabxanaçı Umleyla Xələfovanın təşkilatçılığı və VIII sinif şagirdlərinin iştirakı ilə fevral ayının 20-də “Doğma dilimizi qoruyaq” mövzusunda təqdimat keçirildi .
Tədbirdə Beynəlxalq Ana Dili Gününün tarixindən danışıldı, özünəməxsusluğu ilə seçilən Azərbaycan dilinin keçdiyi inkişaf yoluna nəzər yetirdi. Bildirildi ki, Azərbaycan dilinin dövlət dili səviyyəsinə yüksəlməsində ümummilli lider Heydər Əliyevin tarixi xidmətləri vardır. Həmçinin Azərbaycan Respublikasının Prezidenti İlham Əliyevin apardığı uğurlu siyasətdə ana dilinin qorunması və zənginləşdirilməsi məsələlərinin həmişə önəmli yer tutduğu qeyd olundu.
