Adət-ənənələrimizi əks etdirən guşə yaradıldı
Şagirdləri milli-mənəvi dəyərlərə məhəbbət ruhunda tərbiyə etmək, onlarda yaradıcı düşünmə meyillərini gücləndirmək və dəyərlərimizi qorumaq məqsədilə “Dəyərlərimizi qoruyaq!” layihəsinin keçirilməsilə bağlı silsilə tədbirlərimiz davam edir.
Mart ayının 30-da məktəbin şagirdlərlə məktəbdənkənar və sinifdənxaric tərbiyə işləri üzrə təşkilatçı Yeganə Məlikova, Uşaq Birliyi rəhbəri Şəbnəm Sadıqlı, kitabxana müdiri Xəyalə Kərimova və kitabxanaçı Umleyla Xələfovanın təşkilatçılığı, səkkizinci sinif şagirdlərinin iştirakı ilə hazırladıqları təqdimatlardan və xalqımızın adət-ənənələrini əks etdirən kitab və bədii məqalələrdən ibarət guşə hazırlandı. Şagirdlər böyük maraqla guşəyə baxış keçirdilər.
