“Vətən şəhidləri heç vaxt unutmayacaq!” mövzusunda anım tədbiri keçirildi
20 Yanvar faciəsinin otuz üçüncü ildönümü ilə əlaqədar məktəbin məktəbdənkənar və sinifdənxaric tərbiyə işləri üzrə təşkilatçısı Yeganə Məlikova, Uşaq Birliyi rəhbəri Şəbnəm Sadıqlı və kitabxanaçı Umleyla Xələfovanın təşkilatçılığı ilə “Vətən şəhidləri heç vaxt unutmayacaq!” mövzusunda anım tədbiri keçirildi.
Şəhidlərin xatirəsinin bir dəqiqəlik sükutla yad edilməsi ilə başlayan tədbirdə Azərbaycanın azadlığı və ərazi bütövlüyü uğrunda mübarizə tarixinə qəhrəmanlıq səhifəsi kimi daxil olmuş 1990-cı ilin 20 Yanvar hadisələri barədə geniş məlumat verildi.
Qeyd olunub ki, 20 Yanvar hadisələri öz azadlığına, müstəqilliyinə can atan xalqımızın mübarizliyini, əyilməzliyini, məğrurluğunu təcəssüm etdirir. Azərbaycan xalqının tarixinə unudulmaz qəhrəmanlıq səhifəsi kimi yazılan 20 Yanvar faciəsini təkcə ildönümlərində yox, hər zaman xatırlanmalıyıq.
