15 SENTYABR " BİLİK GÜNÜ"
Müəllim və şagirdlərin çoxdan gözlədikləri 15 sentyabr Bilik günü gəldi. Üç aylıq tətildən sonra birinci zəng çalındı. Məktəb həyətində müəllim, şagird, hətta valideynlərin çöhrəsində sevinc və fərəh hissləri var idi. Gözlərində həyəcan hiss olunan birincilərin sevincinə biz də qoşulduq. Məktəbin həyətində yeni dərs ilinin açılış mərasimi keçirildi. Tədbir Azərbaycan Respublikasının Dövlət Himni ilə başladı. Məktəbin direktoru Aytən xanım “Bilik günü” münasibəti ilə şagird və müəllim kollektivini təbrik etdi. Tədbir müəllim və birincilərin çıxışları ilə davam etdi. Nəhayət hamının gözlədiyi an gəlib çatdı. Şagirdlər məktəbə səsləyən birinci zəngin sədası ilə sinif otaqlarına daxil oldular. Yeni tədris ilində yeni nailliyyətlərə imza atmaq arzusu ilə bütün sagird və müəllim kollektivinə uğurlar arzulayırıq.
