"Master" dərslər
Bu həftə məktəbimizdə Azərbaycan Dövlət Pedaqoji Universitenin ingilis dili metodikası kaferdrasının müəllimləri, pedaqoji təcrübə keçən tələbələr üçün "master" dərslər keçirdilər.
8a və 10a siniflərində baş müəllim, dosent, filologiya üzrə fəlsəfə doktoru Ülviyyə Hacıyeva və müəllim Aytən İbrahimova "Give up? Never!" , " America- a Friendly Country" mövzuları üzrə nümunəvi dərs nümayiş etdirdilər.
Dərslər, həmin siniflərdə dərs deyən fənn müəllimi Həbibə Rəsulova, məktəbin təlim-tərbiyə işləri üzrə direktor müavini Sevinc Əliyeva, tərbiyə işləri üzrə direktor müavini Safura İbrahimli ilə yanaşı, ADPU- nin ingilis dili üzrə pedaqoji təcrübə rəhbəri Solmaz Məmmədova, "Məzun, Koordinasiya və Karyera" bölməsinin müdiri Könül Əsgərova tərəfindən dinləndi.
Dərslərin müzakirəsi zamanı geniş fikir mübadiləsi aparıldı, tələbələrə müasir innovativ dərs prosesini haqda faydalı məsləhətlər verildi.
