Azərbaycanım
Bildiyimiz kimi, 2017-ci ildə Azərbaycan professional vokal məktəbinin banisi, görkəmli müğənni, tədqiqatçı-alim və pedaqoq, tanınmış ictimai xadim, SSRİ xalq artisti, SSRİ Dövlət mükafatı laureatı Bülbülün (Murtuza Məşədi Rza oğlu Məmmədovun) anadan olmasının 120 illiyi tamam olur. 31 dekabrda isə biz Dünya Azərbaycanlılarının Həmrəylik Gününü qeyd edəcəyik. Məhz bu əziz günləri qeyd etmək məqsədilə, bu gün general-leytenant K.A.Kərimov adına 8 nömrəli tam orta məktəbdə "Xor" dərnəyinin rəhbəri Əhmədova Yeganənin təşkilatçılığı ilə dərnək üzvləri "Azərbaycanım" adlı musiqili-bədii kompozisiya ilə çıxış etdilər. Tədbirdə iştirak edən qonaqlara həm Bülbülün həyat və yaradıcılığından, zəngin musiqi irsindən, həm də Dünya Azərbaycanlılarının bir araya toplayan Vətənə, millətə məhəbbət hissindən danışıldı, bir -birindən gözəl musiqi nümunələri, mahnılar səsləndirildi, rəqslər ifa edildi. Tədbirin sonunda məktəbin direktoru Aytən Baxşıyeva dərnək üzvlərinə maraqlı tədbir üçün öz təşəkkürünü bildirdi və məktəbin şagird -müəllim kollektivini qarşıdan gələn Yeni İl və Həmrəylik Günü münasibətilə təbrik etdi.
