22 Oktyabr - “Beynəlxalq Məktəb Kitabxanaları Günü”dür
Beynəlxalq Məktəb Kitabxanaları Günü 1999-cu ildə YUNESKO-nun təşəbbüsü ilə təsis edilmişdir. Ötən illərdə olduğu kimi bu il də bizim məktəb kitabxanası oktyabr ayının 21-də “Beynəlxalq Məktəb Kitabxanaları Günü”nü qeyd etdilər. Kitabxana müdiri Nigar Əliyeva, kitabxanaçı Raziyə Niftalıyeva şagirdlərin M.F.Axundov adına Azərbaycan Milli Kitabxanasına ekskursiyalarını təşkil etdilər.
Ekskursiya zamanı kitabxana, onun fondu haqqında məlumatlar verildi. Sonra kitabxana və kitabların yaranması, kitab çapı, zəmanəmizədək bu kitabxanaların keçdiyi inkişaf yolu barədə danışıldı. Qədim və müasir kitabxanalar, dünyanın ən böyük və qeyri-adi kitabxanaları haqqında bilgilər şagirdlərin diqqətinə çatdırıldı. “Kitabxana Günü”nə həsr olunmuş ekskursiya və tədbirdə iştirak edən kitabxana müdiri Nigar Əliyeva kitablar haqqında şagirdlərin hazırladığı şeirlərə görə təşəkkür edərək həmişə kitabdan faydalanmağı şagirdlərə tövsiyə etdi.
