Maarifləndirici tədbirlər
Məktəblilər arasında yol hərəkəti qaydalarını təbliğ etmək və öyrətmək, onları yol qəzalarından qorumaq məqsədilə məktəbdə mütəmadi maarifləndirici tədbirlər təşkil edilir. Məktəbin akt zalında Hərəkət təhlükəsizliyinin təbliği və ictimai qurumlarla əlaqə bölməsinin ( HTT və İQƏB) nümayəndələri Bakı şəhər Dövlət Yol Polisi İdarəsi Polis kapitanı Pərvanə Muradova və Polis serjantı Elnur Mahmudov məktəblilərə yol hərəkəti qaydaları haqqında ətraflı məlumatlar verdilər və yolda daha diqqətli olmalarını tövsiyə etdilər. Hər bir vətəndaşın özünü və yaxınlarını yollarda yarana bilən təhlükələrdən qoruya bilməsi üçün yol təhlükəsizliyi qaydalarına riayət olunmasının vacibliyi şagirdlərin diqqətinə çatdırdılar.
