Xocalısız 25 il
Azərbaycan tarixinə qanlı hərflərlə yazılmış Xocalı faciəsindən 25 il keçir. Ürəyində vətən sevgisi olan hər bir Azərbaycanlı 26 fevral - Xocalı soyqırımı günündə erməni silahlı qüvvələrinin xalqımıza qarşı törətdiyi vəhşiliklər və bu etnik təmizləmə ilə bağlı əsl həqiqətləri bütün dünyaya yaymağa çalışır. Ermənistan tərəfindən Azərbaycan şəhəri olan Xocalının işğalı nəticəsində 613 nəfər amansızlıqla qətlə yetirilmişdir. Onlardan 63-ü uşaq, 106-sı qadın, 70-i isə qoca olub, 76 nəfəri uşaq olmaqla, 487 nəfər yaralanıb, 1275 nəfər girov götürülüb və 150 nəfər itkin düşüb.23 fevral 2017-cı il tarixdə Xocalı soyqırımının 25-cü ildönümünə həsr olunmuş “Xocalısız 25 il” adlı ədəbi-bədii gecə keçirilmişdir. Tədbir Azərbaycan himni ilə başladı. Xocalı faciəsində şəhid olanların xatirəsi bir dəqiqəlik sükutla yad edildi. Məktəbin 4a, 9a, 11a sinif şagirdləri ədəbi-bədii kompozisiyalarla çıxış etdilər. Tədbirdən əvvəl foyedə istedadlı şagirdlərin faciəni əks etdirən rəsm əsərlərinin və kitab sərgisinə baxış keçirildi.
