Uşaq Kitabxanasına ekskursiya
Məktəbin 5 a sinif şagirdlərinin Firidun bəy Köçərli adına Respublika Uşaq Kitabxanasına ekskursiyası təşkil olundu. Kitabxananın əməkdaşı uşaqları kitabxana ilə tanış etdi, kitabxanada təşkil olunmuş kitab sərgiləri, elektron kitabxana ilə bağlı məlumat verdi.
Məktəblilər nağıl otağında Azərbaycan nağıllarını dinlədilər, müasir nağıllarımızı müzakirə etdilər. Şagirdlər kitabxanadan böyük sevinclə ayrıldılar.
Yaradılan şərait şagirdlərin mütaliəyə cəlb edilməsinə, onlarda mütaliə mədəniyyətinin formalaşdırılmasına geniş imkanlar açır.
