Gender əsaslı zorakılıqla mübarizə
Hər il 25 noyabr dünyada Qadınlara qarşı Zorakılıqla Beynəlxalq Mübarizə Günü kimi qeyd edilir. Bununla elaqədar olaraq məktəbimizin praktik psixoloqu Səbinə Əlizadə “Gender əsaslı zorakılıqla mübarizə” mövzusunda seminar keçirmişdir.
Birləşmiş Millətlər Təşkilatının Azərbaycandakı nümayəndəliyi və Azərbaycanın Ailə, Qadın və Uşaq Problemləri üzrə Dövlət Komitəsi ənənəvi “Gender əsaslı zorakılığa qarşı 16 günlük fəallıq” kampaniyasına başlayıb. “Gender əsaslı zorakılığa qarşı 16 günlük fəallıq” hər il 25 noyabr (Qadınlara qarşı Zorakılıqla Beynəlxalq Mübarizə Günü) - 10 dekabr (Beynəlxalq İnsan Hüquqları Günü) tarixləri arasında keçirilən beynəlxalq kampaniyadır. Bütün dünyada fərdi şəxslər və təşkilatlar “16 günlük kampaniya” kimi geniş şəkildə tanınan bu tədbir vasitəsilə hamını qadınlara və qızlara qarşı zorakılığın qarşısını almağa və aradan qaldırmağa çağırır.
Seminarda həmçinin Erkən yaşda nigah və Zərərli vərdişlər mövzusuna da toxunulmuşdur. Şagirdlərə slaydlar nümayiş etdirildi. Şagirdlərin bu mövzuda olan sualları cavablandırıldı.
