İstedadlı uşaqların aşkara çıxarılması
Azərbaycanda istedadlı uşaqların aşkara çıxarılması istiqamətində mühüm tədbirlər həyata keçirilir. Bu uşaqlar yerli və beynəlxalq yarışlarda uğur qazanır, ölkəmizi, milli-mənəvi dəyərlərimizi nümayiş etdirirlər. Qəbul etməliyik ki, bu cür uşaqların aşkarlanması, inkişaf etdirilməsi, onlara lazımi dəstəyin verilməsi gələcəyimiz üçün bir növ yatırım hesab edilə bilər. Bu uşaqlar ölkəmizin inkişafında, sosial-iqtisadi həyatında böyük uğurlara imza atacaq, öz istedadları ilə gələcək nəsillərə böyük töhfələr verəcəklər.
Azərbaycanın Macarıstandakı səfirliyində “Şuşa ili” çərçivəsində “Qəlbim Qarabağdadır” adlı sərgi və klassik musiqi konserti təşkil olunub.
Tədbir Azərbaycan Respublikasının Macarıstandakı Səfirliyi və “Arts Council Azerbaijan” təşkilatının əməkdaşlığı ilə baş tutub. Bu tədbirdə məktəbimizin iki istedadlı şagirdi 7 -ci sinif şagirdi Əliyev Camal və 4-cü sinif şagirdi Əliyeva Fərəh də iştirak ediblər. Şagirdlərimizin uğurlu çıxışı səfirlik nümayəndələri tərəfindən yüksək qiymətləndirilib.
Şagirdlərimizə uğurlar arzulayırıq.
