Zəfər Günün mübarək, Azərbaycan
Məktəbin akt zalında 4 C sinifinin iştirakı ilə Zəfər Gününə həsr olunmuş "Zəfər Günün mübarək, Azərbaycan!" adlı tədbir keçirildi. Tədbir Azərbaycan himninin sədaları altında açıldı. Vətən topraqlarımızın azadlığı uğrunda canlarından keçən Şəhidlərimizin xatirəsi bir dəqiqəlik sükutla yad edildi.
Sonra məktəbin direktoru Aytən Baxşıyeva öz çıxışında qeyd etdi ki, 44 günlük müharibə Müzəffər Ali Baş Komandanın rəhbərliyi ilə Rəşadətli Ordumuzun və yenilməz Xalqımızın birliyinin nümayişi olaraq Qarabağın 30 illik Vətən həsrətinə son qoydu. Biz qalib Ölkə, qalib Xalq olaraq fəxr, qürur hissi ilə, əminliklə "Qarabağ Azərbaycandır!" deyirik.
Daha sonra şagirlərin ifasında vətənpərvərlik ruhunda şerlər, mahnılar, səhnəciklər, rəqslər nümayiş etdirildi.
Zəfər Günümüz hər bir azərbaycanlının unutmayacağı gün kimi tarixə əbədi olaraq qızıl hərflərlə həkk olunmuş səhifədir
