Hacı Zeynalabdin Tağıyevin Ev Muzeyi
Şagirdlərin asudə vaxtının səmərəli təşkili,həmçinin tariximizin öyrədilməsi məqsədilə məktəbin ibtidai sinif müəllimi Rəna Aslanovanın rəhbərliyi ilə 4C sinifinin Azərbaycan Milli Tarix Muzeyinə və Hacı Zeynalabdin Tağıyevin Ev Muzeyinə ekskursiyası təşkil edilib. Ekskursiyada muzeyin bələdçisi şagirdləri ekponatlarla tanış edib və ətraflı məlumat verib.
Milli Azərbaycan Tarixi Muzeyi Azərbaycan tarixinin bütün dövrlərinə aid maddi və mənəvi mədəniyyət abidələrinin toplanılması, öyrənilməsi, nümayişi və təbliği ilə məşğul olan elmi tədqiqat və mədəni-maarif müəssisəsidir.
Daha sonra şagirdlərimiz Hacı Zeynalabdin Tağıyevin Ev Muzeyi ilə yaxından tanış olublar. Şagirdlərimiz milyonçu, Azərbaycanın məşhur xeyriyyəçisi Hacı Zeynalabdin Tağıyevin ev muzeyi haqqında geniş məlumat toplayıb , muzeydən xoş əhval ruhiyyə, maraqlı məlumatlar və gözəl təəssüratlarla ayrılıblar.
