Birincilərimiz
İyunun 6-da məktəbimizin ibtidai sinif müəllimi Quliyeva Samirənin təşkilatçılığı ilə 1"C" sinif şagirdlərinin tədbiri keçirilib. Tədbir birincilərin ifasında Azərbaycan Respublikasının Dövlət himninin səslənməsi ilə başlanıb. Sinif rəhbəri Quliyeva Samirə şagirdləri və onların valideynlərini birinci sinifi müvəffəqiyyətlə bitirmələri münasibəti ilə təbrik edib.
Daha sonra 1"C" sinif şagirdləri dərs ilinin sonunadək aldıqları bilik və bacarıqlarını nümayiş etdirərək hərflərlə, rəqəmlərlə bağlı müxtəlif şerlər və mahnılar ifa edib, yaddaqalan rəqs nömrələri ilə çıxış ediblər. Şagirdlərin hər bir çıxışı tədbir iştirakçıları tərəfindən maraqla qarşılanıb.
