Ümumrusiya Dövlət Xarici Ədəbiyyat Kitabxanası
Məktəbimizin müəllim heyəti, şagirdlər, eləcə də valideynlər dekabrın 19-da Azərbaycan Milli Kitabxanasında “Литературная гостиная: современная российская литература для детей и подростков” adlı telekörpü formatında tədbirdə iştirak ediblər. Tədbir Rusiya Federasiyası Təhsil Nazirliyinin dəstəyi, M.İ.Rudomino adına Ümumrusiya Dövlət Xarici Ədəbiyyat Kitabxanası və Azərbaycan Milli Kitabxanasının təşkilatçılığı ilə baş tutub.
Görüşdə yazıçılar, ədəbiyyat sahəsində Rusiya milli mükafat laureatları – Aleksey Oleynikov və Nataliya Volkova ilə, eləcə də “Ümumrusiya Dövlət Xarici Ədəbiyyat Kitabxanası”nın mütəxəssisləri ilə müxtəlif formatlarda canlı dialoqlar aparılıb. Şagirdlərimiz yazıçılarla ünsiyyət quraraq onlara maraqlı suallar veriblər.
Daha sonra məktəblilər master - klassda tapşırıqlar yerinə yetirib, öz təxəyyülləri ilə müxtəlif hekayə və nağılları dəyişdirib təqdim ediblər. Çıxışlar çox maraqla qarşılanıb.
