Azad edilmiş torpaqlarda erməni vandalizminin izləri
Nəsimi rayon Gənclər və İdman İdarəsinin təşəbbüsü ilə məktəblilər arasında Qarabağ zəfərinə həsr olunmuş “Azad edilmiş torpaqlarda erməni vandalizminin izləri” mövzusunda müsabiqə keçirilmişdir. Müsabiqə gənc nəslin hərbi-vətənpərvərlik ruhunda tərbiyə olunması məqsədi daşıyıb və şagirdlərin Azərbaycanın şanlı tarixi, vətən övladlarının göstərdiyi qəhrəmanlıq və şücaət, şəhidlərin şərəfli və nümunəvi həyat yolu barəsində maariflənməsinə xidmət edib.
K.A.Kərimov adına 8 saylı tam orta məktəbin 9-cu sinif şagirdi İbrahimzadə Ömər müsabiqəyə referat və videoçarx təqdim edərək müsabiqədə iştirak edib. Təqdim etdiyi iş komissiya tərəfindən təhlil olunaraq mükafata layiq görülmüş və fəxri fərmanla təltif edilmişdir.
