Azərbaycan dilindən açıq dərs keçirildi
Bu dəfə də dərsimiz 11a sinfində Azərbaycan dili fənnindən oldu. Fənn müəllimi Gülgəz Həsənova “Məişət üslubu” mövzusunda dərs verdi. Dərs klassiklərimizin qəzəllərinin səslənməsi ilə başlandı. Həm M.Füzuli qəzəlləri ilə M.Şəhriyarın “Heydərbabaya salam” poemasının, həm klassik şairlərin əsərləri ilə şifahi xalq ədəbiyyatının nümayəndələrinin əsərlərinin müqayisəli təhlili, yazılı və şifahi dildən düzgün istifadə aydın şəkildə nümayiş etdirildi. Təlim metodlarının düzgün seçilməsi, şagirdlərin yaşına və inkişaf səviyyəsinə uyğunluğu və ümumiləşdirmə bacarıq və vərdişləri, dərsdə əyani vasitələrdən, İKT-dən istifadə məqsədəmüvafiq şəkildə tətbiq edildi.
