Tullantıdan incəsənətə
“Yaşıl dünya naminə həmrəylik” ili çərçivəsində şagirdlərin iştirakı ilə “Tullantıdan İncəsənətə” adlı sərgi keçirilib. Şagirdlər tullantı materiallardan istifadə edərək çox böyük həvəslə kağızlardan ilan fiquru, ev maketi, gül ekspozisiyaları, plastik qablardan isə dibçəklər, su götürmək üçün dolçalar hazırlayıblar. Hazırlanmış əl işləri məktəbin foyesində sərgilənib.
Sərginin keçirilməsində məqsəd ekoloji maarifləndirilmə sahəsində şagirdlərin bilik və bacarıqlarını artırmaq, yaradıcı qabiliyyətlərini üzə çıxarmaq, ətraf mühitin qorumaq və ekoloji problemlərin həlli yollarının araşdırılmasına kömək etməkdən ibarətdir.
