72 №-li məktəb-lisey

“Təhsil müəssisələrində Xocalı soyqırımının iyirmi yeddinci ildönümünün keçirilməsi barədə” Bakı Şəhəri üzrə Təhsil İdarəsinin əmri imzalanıb.

Müvafiq əmr ilə təsdiqlənmiş Tədbirlər Planında ümumi təhsil müəssisələri və uşaq-gənclər inkişaf mərkəzlərində fevralın 26-sı ilk dərslər Xocalı soyqırımına həsr ediləcək.

Həmçinin “Xocalıya gedən yol” mövzusunda mühazirə, toplantı, “Dəyirmi masa” və konfransların təşkili nəzərdə tutulur.

Bundan əlavə, “Xocalı faciəsi uşaq yaradıcılığında” mövzusunda bədii qiraət gecələri, məktəblilərin esse və inşa yazılarının təqdimatı, əl işlərindən ibarət sərgiləri təşkil olunacaq. “Xocalı harayı” mövzusunda ədəbi-bədii kompozisiyalar təşkil olunacaq, sənədli və bədii filmlər nümayiş ediləcək. Xocalı soyqırımından bəhs edən divar qəzetləri, bülleten, fotostendlər və guşələr hazırlanacaq.

Təhsil müəssisələrinin internet resurslarına Xocalı soyqırımını əks etdirən materiallar yerləşdiriləcək, keçirilən tədbirlər kütləvi informasiya vasitələri və televiziya kanallarında işıqlandırılacaq.

Eyni zamanda, təhsil müəssisələrinin müəllim və şagird kollektivi soyqırım şahidləri ilə görüşəcək, “Ana fəryadı” abidəsini ziyarət edəcəklər.

Qeyd olunan tədbirlərin keçirilməsi ölkəmizin müstəqilliyi uğrunda mübarizədə canlarını qurban vermiş vətən övladlarını yad etmək, böyüməkdə olan nəslə doğma Vətənə sevgi, məhəbbət hissləri aşılamaq, məktəblilər arasında milli vətənpərvərlik ruhunu yüksəltmək və Xocalı soyqırımı haqqında həqiqətləri çatdırmaq məqsədlərinə xidmət edir.

     18 fevral 2019-cu  il tarixdə tərbiyə işləri üzrə direktor müavini Bəhrəmova Günel və biologiya müəllimi İsmayılova Hüsniyyənin təşkilatçılığı ilə "Tütün və tütün məmulatlarından istifadənin insan sağlamlağına və ətraf mühitə ziyanı"  barədə tədbir keçirildi.

  7-ci  sinif şagirdləri tədbirə  cəlb olunmuş 9-10-cu sinif şagirdlərinə  zərərli vərdişlərin ziyanları barədə məlumatlar verdilər. Şagirdlər  siqaretin sağlamlığa verdiyi ziyanlardan danışaraq öz yoldaşlarını bu yoldan uzaq durmağa səslədilər. Tədbir zamanı şagirdlərə zərərli vərdişlərlə bağlı çəkilmiş filmlər göstərdilər. Siqaret haqqında özlərinin yazdığı şeirləri səsləndirdi və  kiçik səhnəçiklər göstərdilər. Məktəbin direktoru Abbasova Fərqanə, biologiya müəllimi İsmayılova Hüsniyyə şairdlərə bu vərdişlərdən uzaq durmaq və onlardan qorunmanın vacibliyini qeyd  etdi. Sonda şagirdlər  bu vərdişlərdən uzaq durmağa səsləyən ”Sağlam yaşam tərzi ilə , sağlam gələcəyə addımla!”- şüarı ilə məktəbin dəhlizlərində gəzərək bütün şagirdləri saglam həyata səslədilər

   11.02.2019-cu il tarixdə 1F sinifində “Hər bir sənət gözəldir” mövzusunda tədbir keçirildi. İlk sözü sinif müəlliməsi Cəbrayılova Gülnarə müxtəlif peşələr haqqında şagirdlərinə məlumat verərək bildirdiki, Cəmiyyətdə faydalı əməklə bağlı sənət və peşələr şərəflidir. Sənətin pisi ola bilməz, sənətkarın pisi ola bilər. Lakin hər kəs bacardığı işdən yapışmalı, gücü çata biləcək sənətin, peşənin ardınca getməlidir. Bu iş ilk növbədə məktəbdən başlamalıdır. Şagirdləri peşəyə yönəltməyi, onlara sənəti sevdirməyi kiçik yaşlardan başlamaq lazımdır. Şagirdlər bilməlidirlər ki, həyatda özlərinə yer tapmaq üçün mütləq müəyyən bir peşənin sahibi olmalıdırlar. Belə bir sual ortaya çıxır? Hansı peşənin ardınca getməli? Gəlin şagirdlərin  ifasında bunun bir daha şahidi olaq. Balaca "peşə sahibləri" öz bacarıqlarını çox məharətlə nümayiş etdirdilər.

   Məktəbin fəaliyyət planına uyğun olaraq şagirdləri vətənpərvər ruhda tərbiyə olunması məqsədi ilə Azərbaycanın Milli Qəhrəmanı Mübariz İbrahimovun  anadan olması münasibəti ilə “Əfsanəvi qəhrəman-Mübariz İbrahimov” mövzusunda Hüseynova Gülərin təşkilatçılığı ilə 2^e sinifində təşkilat saatı keçirmişdir. 2^e sinfinin rəhbəri Gülər Hüseynova şagirdlərə Milli Qəhrəmanla bağlı məlumat vermiş, onunla bağlı video təqdim etmişdir. Tədbirdə şagirdlər Mübariz İbrahimovla bağlı şeirlər söyləmişdir.

  Şagirlərin müxtəlif fənlər üzrə bilik, bacarıq və vərdişlərə yiyələnmə imkanlarının artırılması, əməkdaşlıq bacarıqlarının formalaşdırılması məqsədilə məktəbimizdə yanvar ayı fiziki tərbiyə, musiqi, təsviri incəsənət və texnologiya aylığı elan olunmuşdur. Buna görə fiziki tərbiyə müəllimi Həsənov Azər yanvarın 8-də 5^b sinifində hərəkət sürətinin təkmilləsdirilməsi, texnologiya müəllimləri Məmədova  Ruhəngiz 7^c sinifində elektirik çaynikinin quruluşu və iş prinsipi  və Cəfərova Güyaz ütünün quruluşu və iş prinsipi, musiqi müəllimləri Əhmədova Nəzakət 7^d, Hüseynova Zemfira 6^f siniflərində  numunəvi dərslər vermişdilər. Fənn müəllimləri dərsin motivasiyasını elektron lövhədə nümayiş etdirdilər və slaydlar vasitəsilə fənlərarası inteqrasiya yaratmışdılar. Dərs prosesində şagirdlər  qruplar şəklində tədqiqatlar aparıb, tapşırıqları müzakirə edib, nəticələri təqdim ediblər. Sual-cavab yolu ilə mətnin qavranılması yoxlanılıb. Sonda qrup qiymətləndirilməsi üsulundan istifadə olunub.

    Nümunəvi dərslərdə  məktəb rəhbərliyi və müəllimlər iştirak edib. Dərs dinləyənlər tərəfindən qənaətbəxş hesab olunub.