72 nömrəli məktəb-lisey

“Yaşıl dünya naminə həmrəylik” ili çərçivəsində şagirdlərin iştirakı ilə “Tullantıdan İncəsənətə” adlı  sərgi keçirilib. Şagirdlər  tullantı materiallardan istifadə edərək  çox böyük həvəslə  kağızlardan ilan fiquru, ev maketi, gül ekspozisiyaları, plastik qablardan isə dibçəklər, su götürmək üçün dolçalar hazırlayıblar.  Hazırlanmış əl işləri məktəbin foyesində sərgilənib.

  Sərginin  keçirilməsində məqsəd ekoloji maarifləndirilmə sahəsində şagirdlərin bilik və bacarıqlarını artırmaq, yaradıcı qabiliyyətlərini üzə çıxarmaq, ətraf mühitin qorumaq və ekoloji problemlərin həlli yollarının araşdırılmasına kömək etməkdən ibarətdir.

  Şagirdlərin  icbari dispanser müayinəsinin təşkili və vaxtında keçirilməsi, onlar arasında müalicə - sağlamlıq işlərinin təşkil edilməsi məqsədilə məktəb həkimi Zarema Həmidova və  tibb bacısı Təranə Aşumova və  18 nömrəli Uşaq Poliklinikasının tibb heyəti tərəfindən icbari dispanserizasiyasının tələblərinə uyğun olaraq şagirdlərin müayinəsini həyata keçiriblər. Müayinə zamasnı LOR, pediator, oftalmoloq, stomatoloq, cərrah, həkim-nevropatoloq və s. həkimlər iştirak ediblər.

   Məktəbin  biologiya müəllimi Esmira Babayeva  VIII siniflərdə  "Erkən nikahın fəsadları" mövzusunda açıq dərs keçmişdi. Müəllim şagirdlərə erkən nikahlar uşaqların – həm qızların, həm də oğlanların inkişafına mənfi təsir göstərməsi, erkən nikahlar qızların təhsil almaq həvəsini və imkanlarını azalması, bu eyni zamanda reproduktiv sağlamlığa da təhlükə yaradması haqqında məlumat verdi. Dərsdə bu mövzuda video çarxlar və təqdimatlar nümayiş etdirilmiş, şagirdlərlə diskussiya aparılmışdır.

Məktəbin kitabxanasında Səidə İdrisova 7e sinfində "Yaşıl dünya naminə həmrəylik ili" ilə əlaqədar dəyirmi masa keçirib. Dəyirmi masada şagirdlərə dünyamız nə qədər təmiz və nə qədər yaşıl olarsa biz də bir o qədər sağlam və gümrah olarıq fikirləri aşılanıb. Şagirdlər  təbiəti, yaşıllığı qorumaqla bağlı öz fikirlərini səsləndiriblər.

Məqsəd şagirdlərin ekoloji dünyagörüşünün, təbiətə münasibətdə əxlaqi yanaşma mövqeyinin, şagirdlərdə təbiətə sevgini gücləndirmək, yaşıllıqların artırılması, ətraf mühitin qorunması, ekoloji tarazlığın bərpasına kömək etmək, ekoloji tərbiyəni gücləndirmək.

    İlk olaraq şagirdlərə gənclər arasında ailənin və nikahın əhəmiyyəti, onun qorunması və möhkəmləndirilməsi haqqında məlumat verilib. Bildirilib ki, qohum nikahlar genetik xəstəlikləri artıran önəmli faktordur. Qouhum evliliklərdə zərərli genlərin bir-biri ilə qarşılaşma ehtimalı yüksəlir. Ona görə də onların uşaqlarının müəyyən xəstəliklərə tutulması ehtimalı çox yüksək olur. Qohum evliliklərdə ən çox rast gəlinən qan xəstəlikləri, göz, qulaq, əzələ - sinir, ürək - damar və şəkər xəstəlikləri  və s. xəstəliklər haqqında məlumat verib. Sonda müəllim şagirdləri maraqlandıran suallar cavablandırıb.