Hacı Zeynalabdin Tağıyevin ev muzeyinə ekskursiya
Şagirdlərin asudə vaxtının səmərəli təşkili məqsədilə məktəbin ibtidai sinif müəllimi Məmmədova Tünzalənin təşkilatçılığı ilə II sinif şagirdləri ilə birlikdə Hacı Zeynalabdin Tağıyevin Ev Muzeyinə ekskursiyası təşkil edib. Ekskursiyada muzeyin bələdçisi şagirdlərə ətraflı məlumat verərək bildirib ki, Hacı Zeynalabdin Tağıyevin Ev Muzeyi Azərbaycanın məşhur xeyriyyəçisi Hacı Zeynalabdin Tağıyevin xatirəsini əbədiləşdirmək məqsədilə onun yaşayış mülkündə yerləşən H.Z.Tağıyevin xatirə muzeyinə daxil olan otaqların, əşyaların, mebelin bərpası ilə məşğul olan Azərbaycan və İtaliya mütəxəssisləri H.Z.Tağıyevin ailəvi fotoalbomu əsasında otaqların əvvəlki görkəmini bərpa ediblər. Muzey ümumilikdə 9 otaqdan ibarətdir və xatirə muzeyinin ekspozisiyası H.Z.Tağıyevin iş kabinetindən başlayır. Şagirdlərimiz milyonçu Hacı Zeynalabdin Tağıyevin ev muzeyi haqqında geniş məlumat topladılar. Muzeydən xoş əhval ruhiyyə, maraqlı məlumatlar və gözəl təəssüratlarla ayrıldılar.
