İbtidai sinif şagirdlərinin Azərbaycan yazıçısı Solmaz Amanova ilə görüşü təşkil olundu
7 nömrəli tam orta məktəbdə ibtidai sinif şagirdlərinin Azərbaycan yazıçısı Solmaz Amanova ilə görüşü təşkil olundu. Solmaz Amanova "İrs" mədəniyyət və təhsil mərkəzinin müdiri, "Everest" nəşriyyatının baş redaktoru, incəsənət üzrə professor, Avropa Təbii Elmlər Akademiyasının professoru və akademikidir. O uşaq ədəbiyyatı üçün 70-dən çox kitaba müəlliflik edib.
Görüşdə "İlmənin macəraları", "Cəsur ayı" "Şuşanın sehirli nağılları" kitablarının əsasında çəkilən cizgi filmləri nümayiş olundu, Solmaz Amanova nağılları şagirdlərlə birgə danışdı və rollu ifa etdi. Nağıllar şagirdlər tərəfindən çox maraqla qarşılandı.
Görüş üçün Solmaz xanıma təşəkkür edirik!
