Azərbaycan Dövlət Pedaqoji Universitetin baza məktəbi olan 7 nömrəli tam orta məktəbin şagirdləri 5 Oktyabr - Beynəlxalq Müəllimlər Gününə həsr olunmuş tədbirdə iştirak ediblər
Azərbaycan Dövlət Pedaqoji Universitetin baza məktəbi olan 7 nömrəli tam orta məktəbin şagirdləri 5 Oktyabr - Beynəlxalq Müəllimlər Gününə həsr olunmuş tədbirdə iştirak ediblər.
“Gələcəyin müəllimi” mövzusunda interaktiv tədbir iştirakçıları əvvəlcə ümummilli lider Heydər Əliyevin ali təhsil ocağının foyesindəki abidəsini ziyarət ediblər.
Məktəbin X-XI sinif şagirdlərinin iştirakı ilə keçirilən tədbirdə açılış sözü ilə çıxış edən rektor professor Cəfər Cəfərov qonaqları və tədbir iştirakçılarını salamlayaraq əlamətdar bayram münasibəti ilə təbrik edib.
Universitetdə keçirilən “El bilir ki, sən müəllimsən!”adlı tədbirdə isə Vətən uğrunda canından keçən şəhidlərimizin xatirələrinin bir dəqiqəlik sükutla yad edilməsindən sonra Vətən müharibəsində şəhidlik zirvəsinə ucalan Azərbaycan müəllimləri haqqında məlumatlandırıcı videoçarx təqdim edilib.
Tədbirdə universitet tələbələrinin və 7 nömrəli tam orta məktəbin şagirdlərinin təqdimatında səhnəciklər göstərilib, daha sonra isə "Bizim Cəbiş müəllim" filmi izlənilib.
https://m.facebook.com/story.php?story_fbid=796251008445397&id=100041815159968
