Mülki Müdafiə ilə bağlı nəzəri-praktiki tədbir keçirilib
M.Rahim adına 7 nömrəli tam orta məktəbdə 2022-ci il tədbirlər planına uyğun olaraq Mülki Müdafiə ilə bağlı nəzəri-praktiki tədbir keçirilib.
Tədbirin keçirilməsində məqsəd şagirdlərin baş verə biləcək fövqəladə hallara hazırlığı, fövqəladə hallar zamanı davranış qaydaları, özünə və digərlərinə ilkin tibbi yardımın göstərilməsi və mülki müdafiə sahəsində biliklərin aşılanması olmuşdur. Fövqəladə hallar zamanı davranış qaydalarını bilmək və daim şagirdlərə çatdırmaq olduqca vacibdir.
Mülki müdafiənin məqsədi fövqəladə hadisələrin qarşısının alınması üçün profilaktik tədbirlərin həyata keçirilməsi,fövqəladə hadisələr zamanı mümkün olan ziyan və itkilərin həcminin maksimum azaldılması, fövqəladə hadisələrin və onların nəticələrinin aradan qaldırılmasından ibarətdir.
