7 nömrəli məktəbin qəhrəman məzunları - Səid Abbasov
Abbasov Səid Fuad oğlu 9 noyabr 1993-cü il tarixində Bakı şəhərində anadan olmuşdur. 2000-2011-ci illər Səbail rayonu M.Rahim adına 7 nömrəli tam orta məktəbdə təhsil alıb. Məktəb illərində həm nümunəvi şagird olub, həm də dərslərində 4 və 5 qiymətlər alıb. Bununla yanaşı usaqlıqdan futbolla məşğul olub, hətta peşəkar futbol klubunda da iştrak edib. 2011-ci ildə məktəbi bitirən Səid Abbasov Sumqayıt Dövlət Universitetinin Dünya İqtisadiyyatı fakültəsinə daxil olub, 2015-ci ildə həmin universiteti müvəffəqiyyətlə bitirib. 2015-2016-ci illərdə əvvəlcə MOİK-də , daha sonra isə Gəncədə N saylı hərbi hissədə həqiqi hərbi xidməti keçmişdir. 2020-ci il vətən müharibəsi başlamazdan əvvəl sentyabrın 21-də 26-na qədər təlimlərdə iştirak edib. Sentyabrın 27-si müharibə başlanan gündən Füzulinin alınması uğrunda döyüşlərdə, daha sonra da Xocavənd və Şuşada gedən döyüşlərdə şücaətlə vuruşmuşdu. Şuşa şəhəri işğaldan azad olunnandan sonrada, dekabrın sonuna kimi burada xidmət göstərmişdir. Azərbaycan Respublikası Prezidentinin sərəncamı ilə “Füzulinin azad olunmasına görə” medalı ilə təltif olunmuşdur. Hal-hazırda İqtisadiyyat Nazirliyinin tabeliyində kiçik və orta biznesin inkişafı agentliyində çalışır. Ailəlidir 3 övladı var.
Fəxr edirik!
