9a sinif şagirdləri Xocalı faciəsinin otuzuncu ildönümünə həsr olunmuş video çarx hazırlayıblar
M.Rahim adına 7 nömrəli tam orta məktəbin 9a sinif şagirdləri Xocalı faciəsinin otuzuncu ildönümünə həsr olunmuş video çarx hazırlayıblar.
Şagirdlər Şəhidlər Xiyabınını və Xocalı faicəsinin qurbanlarını və qurbanlar sırasında olan 5 yaşlı Xocalı sakininin məzarını ziyarət ediblər. Videoçarxda şagirdlərdən Validə Hüseynli Xocalı faciəsi barədə məlumatlar verib. O, bildirib ki, bu qanlı aksiya zamanı aylarla mühasirədə saxlanılan Xocalıya edilmiş hücum nəticəsində bir gecənin içində şəhər yerlə yeksan edilmişdir. Dinc əhaliyə amansızlıqla divan tutulmuş, 613 nəfər qətlə yetirilmiş, meyitlər təhqir olunmuş, 1275 nəfər girov götürülmüşdür. Onlardan 150 nəfərin taleyi hələ də məlum deyil. Qətlə yetirilənlərin 63 nəfəri uşaq, 106 nəfəri qadın, 70 nəfəri ahıl və qoca idi. Hərbi təcavüz nəticəsində 8 ailə tamamilə məhv edilmiş, 25 uşaq hər iki valideynini, 130 nəfər valideynlərindən birini itirmişdir.
Allahdan faciə qurbanlarına rəhmət diləyirik.
