"Heydər Əliyev Anım Günü"nə həsr olunmuş dərs
Hər bir xalqın milli azadlıq və istiqlaliyyət tarixində xilaskar rolunu oynayan dahi insanlar var. Həmin dahilər öz qətiyyətləri ilə mənsub olduqları xalqı arxasınca aparıb, ən taleyüklü məqamlarda qalib rolu oynamışlar. Belə liderlərdən biri olan Azərbaycan xalqının Ümummilli lideri Heydər Əliyev müasir dünya tarixinə parlaq və silinməz iz qoymuş böyük şəxsiyyət, qeyri-adi zəka, fitri istedad sahibi, müdrik dövlət xadimi kimi düşmüşdür.12 dekabr Heydər Əliyevin anım günüdür. Bu gün məktəbimizin "1 B" sinfində Heydər Əliyevin anım gününə həsr olunmuş "Ulu Öndər" adlı dərs keçirildi. Dərsdə İlhamə müəllimə maraqlı məlumatlar verərək videoçarxlar göstərdi.O qeyd etdi ki, Heydər Əliyev siyasətini uğurla davam etdirən Azərbaycan Respublikasının Prezidenti İlham Əliyev Vətən müharibəsindəki möhtəşəm qələbədə öz vətəndaşlarına nə qədər bağlı olduğunu, dövlətimizin milli maraqlarını qətiyyətlə müdafiə etdiyini bir daha əyani göstərdi.Bu qələbəni bizə yaşadan Ulu Öndər Heydər Əliyev siyasi kursunun layiqli davamçısı Ali Baş Komandanımız İlham Əliyevə, güclü ordumuza, igid, rəşadətli əsgər və zabitlərimizə borcluyuq. Uşaqlar Heydər Əliyevlə bağlı araşdırdıqları məlumatları təqdim edib, şeirlər söylədilər. Ruhun şad olsun, Ümummilli lider, Ulu Öndər.
