"Anım Günü"nə həsr olunmuş dərs
Azərbaycanın hərb tarixinə qızıl hərflərlə yazılmış Vətən müharibəsinin başlanmasından 4 il ötür. 30 ilə yaxın işğal altında qalan torpaqlarımız qəhrəman şəhidlərimizin, əsgərlərimizin və qazilərimizin qanı və canı bahasına işğaldan azad edildi. Bu gün məktəbimizin 1B sinfində "Anım Günü" nə həsr olunmuş dərs keçirildi. Dərsdə İlhamə müəllimə mövzu haqqında uşaqlara məlumat verərək videoçarxlar nümayiş etdirdi. O, uşaqlara xalqımızın hər zaman mübariz oğul və qızlarının şücaətini yüksək qiymətləndirməyi, bu yolda qurban gedən şəhidlərimizin xatirəsini uca tutmaqlarını tövsiyə etdi. Uşaqlar dərsdə yeni məlumatlar əldə etdilər, mövzu ilə bağlı şeirlər söylədilər. Əbədiyyətə qovuşan şəhidlərimiz öz adlarını Azərbaycan xalqının şanlı tarixinə əbədi yazdırdı. Allah bütün şəhidlərimizə rəhmət eləsin.
