Yeni tədris ilinin “Bilik Günü” qeyd edilib
S.Həsənov adına 63 nömrəli tam orta məktəbdə “Bilik Günü”nə həsr olunmuş tədbir keçirilib. Azərbaycan Respublikasının Dövlət Himninin səsləndirilməsi ilə başlayan tədbirdə torpaqlarımızın düşməndən azad edilməsi, ölkəmizin ərazi bütövlüyünün bərpa olunması uğrunda şəhid olmuş Vətən övladlarının əziz xatirəsi bir dəqiqəlik sükutla yad edilib.
Tədbirdə Ümumtəhsil müəssisələrində ilk dərslərin “Yaşıl dünya naminə həmrəylik” mövzusuna həsr olunacağı vurğulanıb. Tədbirin bədii hissəsində birinci sinif şagirdlərinin təqdimatında müxtəlif şeirlər səsləndirilib, mahnı ifa edilib və rəqslər nümayiş olunub.
