Azərbaycan radiosunun yayıma başlamasından 92 il keçir
Televiziya və radio müasir sivilizasiyanın ən xarakterik cəhətlərindən biridir. Məhz televiziyanın köməyi ilə insanlar qlobal bir toplumda birləşmişlər. Keçən yüzillikdə meydana gələn radio və televiziya bütün evlərə ayaq açmış, ailələrin dostuna çevrilmişdir. Azərbaycan radiosunun yayıma başlamasından 92 il keçir. Hər il bu gün teleradio işçilərinin peşə bayramı kimi qeyd olunur.
Bu məqsədlə məktəbin fizika müəllimi Aygün Rzayeva 9C sinfində “Təqdimat” keçirdi. Televiziya və radionun insan həyatındakı rolundan danışan müəllim onun əhəmiyyəti barədə ətraflı məlumat verdi. Sonra şagirdlərin hazırladığı məlumatlar dinlənildi. Sonda şagirdlərin mövzu ilə bağlı hazırladıqları videoçarx nümayiş etdirildi.
