21 Fevral Beynəlxalq Ana Dili Günü
Dil hər bir millətin maddi və mənəvi irsini qoruyan və inkişaf etdirən ən mühüm və ən güclü vasitədir. Hər bir insan öz ana dilini yaxşı bilməli və onu qorumalıdır. Ana dili insanın mənəvi aləmini zənginləşməsində, mükəmməl təhsil almasında, dünyagörüşünün genişlənməsində, öz soydaşları ilə ünsiyyət qurmasında mühüm rol oynayır. Ana dili millətin özünəməxsusluğunu qorumaqla yanaşı, tərcümə vasitəsilə başqa xalqların mədəni irsi ilə tanış olmağa, onlarla ünsiyyət qurmağa imkan yaradır. Bu məqsədlə məktəbimizin Azərbaycan dili və Ədəbiyyat müəllimi Reyhan İsmayılova 7ç sinfində 21 Fevral Beynəlxalq Ana Dili Günü ilə bağlı təqdimat hazırladı mövzu ilə bağlı şagirdlərin təqdimatları dinlənildi, mahnı və şeirlər səsləndirildi.
