“Azərbaycanda ətraf mühitin sağlamlaşdırılmasında Ümummilli Lider Heydər Əliyevin rolu”
" Yaşıl Dünya Naminə Həmrəylik ili" çərçivəsində BMT-nin İqlim Dəyişikliyi üzrə Çərçivə Konvensiyasının Tərəflər Konfransının 29-cu sessiyasının - COP29-a bağlı mayın 7-də məktəbdə Ümummilli lider Heydər Əliyevin anadan olmasının 101 illiyinə həsr olunmuş “Azərbaycanda ətraf mühitin sağlamlaşdırılmasında Ümummilli Lider Heydər Əliyevin rolu” adlı elmi-praktiki konfrans keçirildi. Konfransda Azərbaycan Pedaqoji Universitetinin təcrübəçi tələbələri və məktəbin şagirdləri çıxış etdilər . Konfransı məktəbimizin tarix müəllimi Mustafayeva Pərvanə açaraq Heydər Əliyevin qurduğu müstəqil Azərbaycanda ekoloji mühitin sağlamlaşdırılması dövlət siyasətində prioritet məsələlərdən biri olduğunu qeyd etdi . Şagirdlər və tələbələr elmi konfransda aparılan araşdırmaları təqdim etdilər, mahnı oxudular, şeir söylədilər və sənədli filmə baxdılar.
