31 Mart Azərbaycanlıların soyqırımı ilə bağlı dəyirmi masa
Martın 29-da Elşad Yəhyayev adına 56 saylı tam orta məktəbin kitabxanasında və siniflərdə 1918-ci il 31 Mart Azərbaycanlıların soyqırımı ilə bağlı dəyirmi masa və təqdimatlar keçirildi. Məktəbin 3, 8,9 cu sinif şagirdləri və müəllimlər iştirak etdilər. Soyqırımı qurbanlarının, həmçinin ərazi bütövlüyümüz uğrunda qəhrəmancasına həlak olan şəhidlərimizin əziz xatirəsi bir dəqiqəlik sükutla yad edilldi.Tədbiri giriş sözü ilə açan tarix müəllimi Mustafayeva Pərvanə 1918-ci il 31 Mart Soyqırımının öz ağlasığmaz qəddarlığı və qeyri-insani cəza üsulları ilə bəşər tarixində tayı-bərabəri olmayan bir cinayət aktı olduğunu bildirdi . Daha sonra dəyirmi masada və təqdimatlarda çıxış edən şagirdlər 31 Mart Soyqırımının xalqımızın tarixi yaddaşında əbədi və silinməz yer tutduğunu, mənfur bolşevik-daşnak qüvvələri tərəfindən müsəlman-türk əhaliyə qarşı həyata keçirilən soyqırım zamanı minlərlə insanın həlak olduğunu qeyd etdilər. Sonda 31 mart soyqırım günü ilə bağlı film göstərildi.