Nağıllar aləmindən gələn MELİSA
Məktəbdə Fəaliyyət Planına əsasən təşkilatçı müavin Səadət Alışovanın təşəbbüsü , Ədəbiyyat müəllimi İlhamə Muradova, ibtidai sinif müəllimi Səkinə İbadova və məktəb kitabxanasının dəstəyilə məktəb şagirdlərinin yazıçı ilə görüşü təşkil edildi. Görüşdə məktəb direktoru Tərlan Bayramova, Təlim-tərbiyə işləri üzrə direktor müavini Şəhla Hüseynova, kitabxana müdiri Hafizə Abdullayeva, UBTR Tofiqə Məcidova ,psixoloq Nəzakət Babayeva,musiqi müəllimi Günay Bənnayeva və məktəbin 4 “A” ,5 “Ç”sinif şagirdləri iştirak etdilər. Məktəblilərin qonağı uşaq yazarı, yazıçılar birliyinin üzvü, müxtəlif mövzuda hekayələrin, nağılların,nəğmələrin, tapmacaların, tərcümə əsərlərinin müəllifi Sevinc Nuruqızı idi. Tədbirdə kiçikyaşlı məktəblilər Sevinc xanıma bir-birindən maraqlı suallar ünvanladılar. Dördüncü sinif şagirdləri”Cekin fənəri” nağılını səhnələşdirdi, beşincilər isə müxtəlif şeirlər səsləndirdilər. Yazıçının “Arzular” şeirinə bəstələnmiş musiqisi məktəb xorunun ifasında səsləndirildi.Sonda yazıçı tərəfindən verilən sualları cavablandıran qalib şagirdlər və tədbir iştirakçıları məktəb rəhbərliyi və Sevinc Nuruqızı tərəfindən hədiyyələrlə mükafatlandırıldılar.
