“Danışır Yer Kürəsi” adlı tədbir keçirildi.
C.Əskərov adına 50 nömrəli tam orta məktəbin akt zalında coğrafiya müəllimi Sahibə Şamilovanın rəhbərliyi və 7-ci sinif şagirdlərinin iştirakı ilə
”Danışır Yer Kürəsi” adlı tədbir keçirildi. Tədbir bir neçə hissədən ibarət idi. Şagirdlər ilk olaraq Coğrafiya elminin gözəlliklərindən bəhs edən çıxışlar etdilər, qlobal iqlim dəyişikliyinin fəsadları barədə məlumat verdilər, daha sonra bu il noyabr ayında ölkəmizdə keçiriləcək COP 29-la bağlı səhnəcik nümayiş etdirdilər.
Azərbaycanın milli -mənəvi dəyərlərindən bəhs edən kompozisiya ilə çıxış etdilər. Tədbir zamanı şagirdlər arasında kiçik Viktorinalar da keçirildi. Sonda məktəbin direktoru Vəfa Məmmədova təşkil olunan maraqlı tədbir üçün müəllim və şagirdlərə təşəkkürünü bildirdi, xatirə şəkli çəkdirildi.
