50 №-li tam orta məktəb

Yeni tədris ilində ilk dərs məşğələsi ibtidai siniflərdə “İdman və sağlamlıq”, V-IX siniflərdə “Mütailə-mənəvi zənginliyə aparan yol”, X-XI siniflərdə isə “Azərbaycan inkişaf yollarında” mövzularına həsr olunub. Dərs zamanı ibtidai siniflərdə müəllimlər şagirdlərə sağlam həyat yaşamaq üçün idmanla məşğul olmağın faydaları barədə ətraflı məlumat veriblər. Şagirdlər də öz növbəsində bu mövzu ilə əlaqədar fikirlər səsləndiriblər. 

Məktəbimizdə ilk dərs günü münasibəti ilə tədbir keçrildi.Tədbiri məktəbin direktoru Həsənova Sədaqət açaraq yeni dərs ilində şagirdlərə uğurlar arzuladı. O, keçən ilki tədris ilində  məktəbimizin əldə etdiyi nəaliyyətlər  barədə məlumat verərək xoş sözlər söylədi. O, bu ilki tədris ilində məktəb kollektivinin daha səylə çalışacağını və yeni uğurlara imza  atacağını qeyd etdi.Tədbirdə “Bilik gününə” həsr olunmuş şeirlər, mahnılar dinlənildi.
      Tədbirdə 1918-ci il 15 Sentyabr Nuru Paşanın  rəhbərliyi  ilə Qafqaz islam ordusunun köməyi ilə  Bakını işğal etmiş bolşevik-daşnaq  dəstələrindən azad olunmasının 101 illiyi barədə məlumat verildi

Yeni tədris ilində ilk dərs məşğələsi ibtidai siniflərdə “İdman və sağlamlıq”, V-IX siniflərdə “Mütailə-mənəvi zənginliyə aparan yol”, X-XI siniflərdə isə “Azərbaycan inkişaf yollarında” mövzularına həsr olunub.

Təhsil nazirinin müvafiq əmrinə əsasən, keçirilən dərslərdə ictimaiyyət nümayəndələri, müharibə iştirakçıları, əmək veteranları və sabiq məzunları iştirak edib.

“Ümumi təhsil sahəsində 2018-2019-cu dərs ilinin prioritet fəaliyyət istiqamətləri barədə” əmrə əsasən, dərslər pedaqoji və şagird heyəti tərəfindən Dövlət himninin ifası ilə başlanıb.

Dərs zamanı ibtidai siniflərdə müəllimlər şagirdlərə sağlam həyat yaşamaq üçün idmanla məşğul olmağın faydaları barədə ətraflı məlumat veriblər. V-IX siniflərdə şagirdlərin mənəvi aləminin zənginləşməsində, dünyagörüşünün və bilik dairəsinin genişlənməsində mütaliənin mühüm rol oynadığından söhbət açılıb. Yuxarı siniflərdə isə Azərbaycanın keçdiyi inkişaf yollarından bəhs edilib.

Qeyd edək ki, ilk dərslərin bütün ümumi təhsil məktəblərində vahid mövzulara həsr olunması şagirdlərin tədris ilinə daha fəal başlamasına və səmərəli müzakirə mühitinin təşkilinə imkan verir.

Paytaxtın ümumi təhsil məktəblərində “Bilik günü” qeyd olunub.

Tədbirlərdə Bakı Şəhəri üzrə Təhsil İdarəsinin (BŞTİ) rəhbərliyi və əməkdaşları, yerli icra hakimiyyəti orqanlarının, ictimaiyyətin nümayəndələri, müəllimlər, sabiq məzunlar, valideynlər, şagirdlər, tanınmış təhsil və incəsənət xadimləri iştirak ediblər.

Azərbaycan Respublikasının Dövlət himninin səsləndirilməsi ilə başlayan tədbirlərdə müəssisə rəhbərləri çıxış edərək yeni tədris ilində qarşıya qoyulan məqsədlərdən, təhsil sahəsində aparılan islahatlardan söz açıb, məktəb məzunlarının qəbul imtahanlarındakı uğurlarından bəhs ediblər.

“Bilik günü”ndə iştirak edən BŞTİ-nin nümayəndələri və qonaqlar yeni dərs ilinin başlanması münasibətilə məktəbliləri, valideynləri və müəllimləri təbrik edib, onlara uğurlar arzulayıblar.

Bildirilib ki, ilk dərs məşğələsinin ibtidai siniflərdə “İdman və sağlamlıq”, V-IX siniflərdə “Mütailə-mənəvi zənginliyə aparan yol”, X-XI siniflərdə isə “Azərbaycan inkişaf yollarında” mövzularına həsr olunması şagirdlərin tədris ilinə daha həvəslə başlamasına şərait yaradır.

Sonra məktəblilərin iştirakı ilə mahnılar və rəqslərdən ibarət konsert proqramı nümayiş etdirilib.

Qeyd edək ki, yeni tədris ilində BŞTİ-nin tabeliyində fəaliyyət göstərən ümumi təhsil müəssisələrində ümumilikdə, 414 844 şagird təhsil alacaq. BŞTİ-nin tabeliyindəki ümumi təhsil məktəblərinin IX sinfində 32 315, X sinfində  22 795, XI sinfində 18 896, XII sinfində 198 şagird təhsil alacaq.

Paytaxt məktəblərinin I sinfinə qəbul üçün 48 000-dən çox şagird elektron qeydiyyatdan keçib.

Məktəbdə tələbə adını qazanmış məzunlarla görüş keçirildi. Görüşə məzunlar, valideynlər, müəllim kollektivi, həmçinin məktəbin məzunu olmuş, hazırda iş adamı olan Hüseynov Xanlar da dəvət olunmuşdu. Məktəbin direktoru Həsənova Sədaqət çıxış edərək tələbə adını qazanmış məzunları, onların valideynlərini və müəllim kollektivini təbrik etdi. Sonda Hüseynov Xanlar tələbə adını qazanmış məzunları həvəsləndirici hədiyyələrlə təbrik etdi