Məktəbimizin qonağı Pəri Nudirəliyeva
Vətən Müharibəsi Qəhrəmanı şəhid Zaur Nudirəliyevin qızı Pəri Nudirəliyeva məktəbimizin qonağı oldu. Atasının adını daşıyan məktəbdə ilk dəfə olan Pəri həm qürurlu idi, həm də çox kövrəlmişdi. Həm müəllim kollektivinin, həm də şagirdlərin onu məhəbbətlə qarşılaması xalqımızın şəhidlərə olan yüksək minnətdarlıq borcundan irəli gəlir. Pəri Nudirəliyeva 47 nömrəli məktəbin ona belə doğma gələcəyini heç düşünmədiyini söylədi. Bir neçə sinifdə oldu. Şagirdlərin suallarına səmimi cavablar verdi. O, məktəblə hərtərəfli tanış oldu.
