Ana dili - milli varlığımızdır
Azərbaycan Respublikasının təhsil nazirinin "Azərbaycan dilinin saflığının qorunması və dövlət dilindən istifadənin daha da yaxşılaşdırılması ilə bağlı" 15.01.2019-cu il tarixli, F-20 nömrəli əmri ilə təsdiq edilmiş Tədbirlər planının 5-ci bəndinin icrasını təmin etmək , məktəblilərdə vətənpərvərlik hisslərini daha da artırmaq, onlarda nitq mədəniyyətini formalaşdırmaq və istedadlarını üzə çıxarmaq məqsədi ilə 22.02.2019-cu il tarixində C.Cahangirov adına 4 nömrəli tam orta məktəbin VI-XI sinif şagirdləri arasında "Azərbaycan dili- milli varlığımızdır" mövzusunda şeir müsabiqəsi keçirildi.
Şagirdlərin söylədikləri şeirlər münsiflər heyəti tərəfindən qiymətləndirildi.
Fəal iştirak etmiş və qalib gəlmiş şagirdlər diplomlarla mükafatlandırıldı.